Përshkrimi

Barleti Medical Group, në partneritet me universitetin Barleti përpiqet të sjellë një risi në tregun mjekësor shqiptar. Synojmë që të jemi të pranishëm në të gjithë zinxhirin e vlerës të sektorit të shëndetit dhe industrisë mjekësore përmes një qasjeje të integruar multidisiplinare duke përdorur avantazhet e transformimit digjital dhe teknologjive të reja si në diagnostikim, trajtim dhe parandalim të sëmundjeve dhe anomalive, por dhe terapi e rehabilitim të pacientëve. Aktiviteti ynë do të shtrihet jo vetëm në kujdesin shëndetësore, por edhe sipërmarrje të reja novative në industrinë mjekësore. 

Farmacisti/ja në Farmacinë Barleti pjesë e Barleti Medical Group është përgjegjës për shpërndarjen e saktë të medikamenteve, këshillimin e pacientëve dhe sigurimin e përputhshmërisë me standardet ligjore dhe profesionale. Ky rol përfshin menaxhimin e terapive me medikamente, bashkëpunimin me profesionistë të tjerë të kujdesit shëndetësor për të planifikuar, monitoruar, rishikuar dhe vlerësuar cilësinë dhe efektivitetin e terapisë mjekësore apo të barnave të veçanta te pacientë individualë për të optimizuar shëndetin e njerëzve. Kandidati duhet të ketë eksperincë dhe të jetë i/e përkushtuar ndaj kujdesit cilësor të pacientit.

Detyrat

Shpërndarja dhe përgatitja e barnave:

• Merr përshkrimet për produkte mjekësore nga mjekët ose profesionistë të tjerë të shëndetit.
• Kontrollon historikun e barnave të pacientit.
• Siguron dozimin e duhur, metodën e administrimit dhe përshtatshmërinë para dorëzimit të barnave.
• Përgatit ose mbikëqyr përgatitjen dhe etiketimin e medikamenteve të lëngshme, pomadave, barnave në formë pluhuri, tabletave dhe medikamenteve të tjera.

Këshillimi dhe edukimi i pacientëve:

• Jep informacion dhe këshilla klientëve për ndërveprimet e barnave, papërputhshmërinë, kundërindikacionet, efektet anësore, dozimin dhe ruajtjen e duhur të medikamenteve.
• Bashkëpunon me profesionistë të tjerë të kujdesit shëndetësor për të planifikuar, monitoruar, rishikuar dhe vlerësuar cilësinë dhe efektivitetin e terapive të pacientëve dhe efektivitetin e barnave ose terapive të veçanta.

Menaxhimi i terapisë së barnave:

• Dokumenton përshkrimet dhe recetat mjekësore.
• Dokumenton problemet e narkotikëve, helmeve dhe drogave që krijojnë varësi në përputhshmëri me nevojat ligjore dhe profesionale.
• Kryen magazinimin dhe ruajtjen e duhur të vaksinave, serumeve dhe barnave të tjera që mund të skadojnë me kalimin e kohës.

Menaxhimi dhe administrimi i farmacisë:

• Organizimi dhe menaxhimi i inventarit të farmacisë, përfshirë porositjen, ruajtjen dhe regjistrimin e barnave. 
• Regjistrimi i barnave të shpërndara dhe ruajtja e dokumentacionit për pacientët dhe barnat.
  
• Kryen kërkime për të zhvilluar ose përmirësuar produkte kimike farmaceutike, kozmetike ose të tjera.
• Këshillohet me kimistë, inxhinierë dhe profesionistë të tjerë për teknikat e prodhimit dhe ingredientët.

Marketingu digjital dhe shitja Online:

• Përditësimi dhe mirëmbajtja e rrjeteve sociale si Facebook, Instagram, etj për të angazhuar pacientët dhe për të promovuar shërbimet. 
• Dërgime të njoftimeve apo buletineve me oferta speciale, këshilla shëndetësore dhe informacione mbi produktet dhe linjat e reja mjekësore; 
• Përditësime të rrjeteve sociale me shkrime dhe artikuj edukative mbi zhvillimet e fundit në fushën shëndetësorë si dhe trajtimi e përdorimi i medikamenteve farmaceutike.

Kualifikimet

Profili Individual:

• Diplomë në fushën e farmaceutikës; 
• Eksperiencë të paktën 5 vite në ushtrimin e profesionit;
• Leje të Ushtrimit të Profesionit;
• Çertifikatë të përditësuar nga Urdhëri i Farmacistit;
• Njohuri të thella mbi medikamentet, efektet anësore, dhe ndërveprimet medikamentoze;
• Aftësi të mira komunikuese për të këshilluar pacientët dhe për të bashkëpunuar me profesionistët e tjerë shëndetësorë;
• I/E motivuar të punojë pa supervizim;
• Aftësi shumë të mira të manaxhimit të kohës;
• Aftësi shumë të mira për të punuar në skuader, të arrije punë cilësore me minimumin e mbikëqyrjes; 
• I/E pergjegjshem dhe të ruaje konfidencialitetin e informacionit.

Shënime

Personat e interesuar duhet të dërgojnë brenda datës 10 Shkurt 2025 Ora 16:00:

• CV 
• Letër “Shprehje Interesi” për Pozicionin

Dokumentat duhet të dërgohen në adresën e burimeve njerëzore  [email protected]