Është normale nëse jeni duke bërë të njëjtën punë ditë pas dite, javë pas jave, muaj pas muaji do të vijë një moment kur ju do të ndieni mërzitje  në punën tuaj. Nëse jeni me fat, nuk do ta keni të shpeshtë këtë ndjenjë dhe mund ta lehtësoni duke përmirësuar balancën tuaj midis punës dhe jetës ose mund të gjeni një mënyrë për ta bërë punën tuaj më interesante. Sidoqoftë, për disa njerëz, mërzitja e karrierës godet më shpesh dhe zgjat më shumë se disa javë. anë shumë gjëra që ju mund të përpiqeni të bëni dhe të përmirësoni situatën përpara se ajo ti kalojë kufijtë. Truri i njeriut ka nevojë për stimulim dhe ndryshim të vazhdueshëm. Nëse ndieni se keni mësuar gjithçka nga puna e tanishme ndoshta ëshë koha për të parë një rrugë alternative. Megjithatë, nëse mendoni se ka disa fusha ku ju mund të përmirësoheni atëherë me disa kurse trajnimi mund të rrisin pasionin tuaj. Nëse zbuloni aftësi të reja të cilat plotësojnë ato që ju tashmë keni mund të lulëzoni në punën tuaj dhe të lëvizni në pozicione më të mëdha dhe më të mira. Një bisedë informale me shefin tuaj është një mënyrë e mirë për të filluar sepse ata mund të kenë ide për të ndryshuar mënyrën se si ju ndiheni. Ndoshta janë disa mundësi punësimi fleksible që ju nuk i dinit ose mund të jenë disa përgjegjësi alternative që ju mund të merrni. Punëdhënësit duan njerëzit që tregojnë iniciativa kështu që pse nuk sillni një projekt të ri që mund të ketë përfitime për biznesin? Një tjetër mënyrë për të kaluar mërzitjen gjatë karrierës është ndryshimi i mënyrës se si ju e përdorni eksperiencën tuaj. Në vend që të mësoni gjithë kohën aftësi të reja ju mund të përpiqeni t`ia kaloni aftësitë tuaja të tjerëve vullnetarisht, duke dhënë leksione apo duke i konsultuar. Sigurisht ndryshimi total i karrierës është një mundësi, por ju duhet të zbuloni pse ndiheni në këtë mënyrë dhe më pas të vazhdoni të merrni hapa të mëtejshme në lidhje me situatën. Ju nuk do të donit të ndryshonit vendin e punës dhe vetëm pas 6 muajsh ta shihnit veten në të njëjtën situatë.