Për shkak të pandemisë COVID-19, Samiti i 3-të Digjital do të organizohet në Platformën Hibride me sesione virtuale të mbajtura gjatë 26-28 Tetorit 2020. Duke u bazuar në përvojën e dialogut të nivelit të lartë rajonal mbi transformimin digjital, Samiti Digjital i Ballkanit Perëndimor 2020 do të mbahet në kuadrin e Procesit të Berlinit dhe Planit Shumëvjeçar të Veprimit në Zonën Ekonomike Rajonale (MAP-REA) për Ballkanin Perëndimor.
Ky samit do të sjellë së bashku përfaqësues të niveleve të larta të qeverive nga rajoni, Komisioni Evropian, Këshilli i Bashkëpunimit Rajonal, komuniteti i biznesit dhe palët e interesuara përkatëse.

Samiti Digjital WB6 2020 synon të shfaqë praktikat e mira në Ballkanin Perëndimor, duke nënvizuar arritjet dhe rezultatet e Agjendës Digjitale dhe duke eksploruar mundësitë e ndërtimit të partneriteteve me sektorin privat, në kontekstin e procesit të transformimit digjital.
Samiti do të promovojë perspektivën digjitale të Ballkanit Perëndimor në kontekstin e integrimit në BE, ndërsa tërheq Rrugën Përpara në Agjendën Digjitale, në mënyrë që të përcaktojë përparësitë e objektivave kryesorë për rajonin. Takimi Digjital do të mbulojë 4 platforma kryesore: Lidhja e Rrjetit dhe Shërbimeve, Besueshmëria dhe Siguria, Aftësitë Digjitale dhe Ekonomia Digjitale.

Në këtë ngjarje të rëndësishme do të jetë pjesëmarrës si Folës Kryesor, Z. Dritan Mezini, CEO i DM Consulting Services dhe bashke-themeluesi i duapune.com për seancën 3, Ekonomia Digjitale - “Tregëtia Elektronike në kohërat e COVID-19: Si tregu rajonal mund të ndihmojë?”.

Për ta ndjekur këtë seancë dhe aktivitetin në tërësi mund të regjistroheni tek kjo lidhje: https://digitalsummitwb6.com/registration/

#westerbalkandigitalsummit #duapunewesternbalkan #wbecommerce #keynotespeaker