Nëse jeni në fillimet e kërkimit të një pune dhe jeni duke kërkuar disa rregulla sesi të veproni, këshillat më poshtë mund t’ju ndihmojnë për një kërkim të suksesshëm. Çfarë duhet të bëni:

• Përshtateni aplikimin tuaj me çdo kompani apo pozicion pune që ju aplikoni.
• Duhet të keni prezencë online që do të thotë se duhet të ndryshoni herë pas here profilet tuaja apo CV-të të cilat janë të dukshme për punëdhënësit gjatë kërkimit të tyre.
• Përgatituni për intervistën. Bëni kërkime mbi kompaninë dhe përpiquni që gjatë intervistës t’i përshtasni aftësitë tuaja me kërkesat e kësaj kompanie.
• Mund t’i dërgoni një letër falenderimi personave që ju intervistuan, kjo mund t’ju diferencojë nga kadidatët e tjerë.
• Planifikojeni rrugën dhe kohën që ju duhet për të shkuar në intervistë në mënyrë që të mos stresoheni gjatë rrugës.

Çfarë nuk duhet të bëni:

• Mos aplikoni me CV-në tuaj në çdo pozicion pune që ju gjeni gjatë kërkimit tuaj.
• Nuk duhet të publikoni foto të papërshtatshme apo diçka tjetër që mund të duket jo e këndshme në sytë e një punëdhënësi.
• Mos u përpiqni të bëni sjellje për të rënë në sy gjatë intervistës së punës. Nëse jeni vetvetja do të dukeni më pak të tensionuar.
• Nuk duhet të vonoheni në intervistën e punës.
• Mos harroni ta çoni punën deri në fund. Nëse një punëdhënës ju ka thënë se do të lajmëroheni më vonë, duhet të informoheni vazhdimisht.

Duke ndjekur këto këshilla, ju me shumë mundësi do të bëheni një kërkues shumë i suksesshëm. Një CV e përshtatur dhe një intervistë e përgatitur mirë do t’ju ndihmojnë të krijoni përshtypje të mira tek punëdhënësit.