Postuar më: December 18, 2020
Kohëzgjatja e procesit të kërkimit të punës ndryshon nga personi në person dhe shpesh varet nga kompania dhe industria në të cilën dëshironi të punoni. Për fat të keq, ndonjëherë mund të zgjasë shumë më shumë sesa prisnit, por ne kemi disa këshilla kryesore për t'ju ndihmuar në mënyrë që t'a përdorni këtë kohë me mençuri ...
Gjatë kohës së kërkimit të punës, ju mund të keni më tepër kohë të lirë se zakonisht dhe kjo është mundësia perfekte për të mësuar disa aftësi të reja që do t'a bëjnë më të lehtë procesin e punësimit.
Cilat jane ato?
1. Aftësitë kompjuterike
2. Aftësitë gjuhësore
3. Platformat e të nxënit
Për shkak të avancimit të teknologjisë, rolet e reja të punës dhe mënyrat e punës po ndryshojnë vazhdimisht. Brenda secilit prej këtyre roleve do t'ju duhet një tërësi aftësish kompjuterike dhe megjithëse ato mund të duken të dëgjuara për disa prej jush, jo të gjithë i njohin ato. Lloji i programeve dhe aplikacioneve që do përdorni do të varet nga kompania për të cilën punoni dhe preferencat e tyre, por ne ju rekomandojmë të familjarizoheni me një larmi programesh të ndryshme për të përmirësuar aftësitë tuaja.
1. Aplikacionet e postës elektronike (e-mail) dhe planifikimit
Nëse jeni duke kërkuar për punën tuaj të parë pas përfundimit të universitetit, është plotësisht normale të keni vështërsi në detyra të caktuara, nga shkrimi i postës elektronike te përdorimi i kalendarit të email-ve dhe aplikacionet e postës elektronike. Disa nga aplikacionet e postës elektronike dhe ato të kalendarit që përdoren zakonisht janë Google, Apple & Outlook. Njihuni me to dhe kerkojini ndihme shokeve apo miqve per te marre mesimet e para.
2. Microsoft Office
Microsoft Word dhe Excel janë mjetet kryesore te punes në shumë zyra. Ju mund të mendoni se Excel është plot me funksione dhe formula shumë të komplikuara dhe të parëndësishme për shumë pozicione dhe industri, por është gjithashtu një nga mjetet më të mira për të renditur dhe filtruar sasi të mëdha informacioni.
3. Gsuite
Dokumentet e Google, Google sheets, Slides etj., janë thelbësore për rolet moderne të punës, këto programe janë shumë të avancuara dhe të arritshme për të gjithë, prandaj familjarizohuni me to dhe shfrytëzojini sa më shumë.
4. Program për prezantime
Powerpoint dhe Prezi mund të mos përdoren çdo ditë në një pozicion pune, por mund të jenë një plus për aftësitë tuaja.
5. Mjetet e video konferencave
Sidomos në ditët e sotme kur punoni nga shtëpia po bëhet e zakonshme në shumicën e kompanive, përdorimi I aplikacioneve për video konferencë. Zoom, Google Hangouts, Teams apo Skype janë një zgjedhje tipike e kompanive, por gjithashtu WhatsApp dhe Viber përdoren.
6. Mjetet e redaktimit të imazheve
Po, Adobe Photoshop mund të jetë një gjë e vështirë për t'u mësuar. Sidoqoftë, mund të përpiqeni të familjarizoheni me Canva apo Crello, programe shumë te përshtatshme për përdoruesit amatorë te dizajnit por qe ju jep aftësi të mira dhe mundesi per te realizuar krijime ne pak kohe..
7. CRM (Menaxhimi i marrëdhënieve me klientin)
Këto janë një kategori programesh që ndihmojnë kompanitë të ndjekin ndërveprimet me klientët ose bashkëpunëtorët e tyre. Karakteristikat përfshijnë regjistrimin e telefonatave dhe postave elektronike, mbajtjen e profilit të klientit dhe ndjekjen e historikut të komunikimit me klientin. Disa kompani kanë mjete CRM të përshtatura posaçërisht për to, dhe disa përdorin ato komerciale si Salesforce dhe HubSpot CRM.
8. Mjetet e Menaxhimit të Projektit
Asana, Monday, Wrike janë platforma online që ndihmojnë ekipet të delegojnë dhe ndjekin detyra dhe projekte të ndryshme.
Mësimi i një gjuhe të re mund të duket si një detyrë shqetësuese dhe e vështirë, por është një nga aftësitë më të kërkuara në punësim. Mësimi i një gjuhe të re në kohën tuaj të lirë tregon motivimin dhe përkushtimin tuaj për të mësuar. Së bashku me të gjitha përfitimet e tjera, sipas studimeve, njerëzit që flasin dy ose më shumë gjuhë fitojnë 8% më shumë se njerëzit që flasin vetëm një gjuhë.
Mësimi i një gjuhe nuk ka pse të jetë një proces i kushtueshëm që merr shumë kohë, sepse ka mënyra argëtuese për të mësuar përmes kurseve, aplikacioneve dhe metodave të tjera të trajnimit. Ne rekomandojmë të regjistroheni në ESL Language School, që është një metodë zbavitëse dhe informuese e të mësuarit dhe një mënyrë e bukur për të takuar njerëz të rinj gjatë rrugës.
Një mënyrë e thjeshtë për të mësuar një gjuhë të re është të përdorni një aplikacion në telefonin tuaj veçanërisht nëse jeni fillestar. Aplikacionet si Duolingo, Memrise, Babbel dhe Busuu mund të jenë hapat tuaj të parë drejt suksesit.
Duke mësuar një gjuhë të re, ju i tregoni punëdhënësve të mundshëm vendosmërinë dhe motivimin tuaj për të mësuar gjëra jashtë karrierës suaj.
Siç e përmendëm, është e rëndësishme të përdorni mirë kohën tuaj gjatë kërkimit të punës. Si dhe duke kërkuar për role dhe mundësi të reja, ju mund të mësoni aftësi të reja dhe si rezultat, do avanconi më tepër në karrierën tuaj!
Këto aftësi thjesht nuk duhet të jenë dixhitale, ju mund të mësoni aftësi që mund të përfitoni nga jeta juaj e përditshme si të folurit në publik ose trajnimi i gjuhës së trupit. Pa marrë parasysh sa përvojë keni, është e rëndësishme të mos ndaloni kurrë së mësuari, duke marrë kurse të shkurtra falas (ose me pagesë) në internet. Ju mund të fitoni një sërë aftësish që kërkojnë shumë rekrutues dhe punëdhënës.
Ka shumë faqe të ndryshme në internet që mund t’i përdorni për të praktikuar dhe mësuar aftësi të reja. Këtu janë disa prej tyre:
Konsideroni mundësinë për internship
Përdorni këtë periudhë reflektimi për të përcaktuar rrugën tuaj të karrierës dhe për të zbuluar saktësisht se çfarë pozicion pune po kërkoni. Duke mësuar aftësi krejtësisht të reja gjatë kësaj periudhe të kërkimit të punës, mund të ju shfaqen mundësi të reja që mbase nuk i keni konsideruar më parë. Një mënyrë alternative por efektive për të fituar këto aftësi të reja është duke qenë pjesë e një Internshipi!
Internshipi ju mundëson të mësoni dhe të praktikoheni në fushën tuaj të dëshiruar para se të angazhoheni në një punë me kohë të plotë. Duke përfunduar një Internship ju mund të përmirësoni aftësitë tuaja ekzistuese ndërsa mësoni aftësi të reja në një mjedis praktik.
Shqip
