Ajo çka bën vërtet përshtypje duket se është bagazhi që një person mbart, përfshi këtu stazhet, punët e ndryshme dhe eksperiencat e bëra jashtë shtetit. Vetëm një titull studimi mund të mos mjaftojë. Natyrisht që është i rëndësishëm, por shërben për tjetër gjë. Përgjegjësit e BNJ shjegojnë se është më tepër çështje karakteri dhe bagazhi. Universiteti është vetëm një hap i rrugëtimit, i cili duhet kaluar shpejt. Studimi është i rëndësishëm dhe duhet pretenduar për një notë sa më të lartë, por pa u bllokuar gjatë: kapitulli i studimeve duhet mbyllur sa më shpejt. Dy janë konceptet kyçe: shpejtësia dhe eksperienca. Çfarë duhet për të gjetur punë? Shumë shpesh stazhet dhe punët janë më të rëndësishme se lavdërimet. Duhet të dalloni mbi të tjerët, duke theksuar më shumë njohuritë tuaja gjuhësore apo fleksibilitetin. Një eksperincë e mundshme jashtë shtetit mund të përmirësojë CV-në tuaj, sepse është tregues i qartë i natyrës kurioze për risi dhe i adaptimit. Duhet të evitoni të zgjasni periudhën universitare përtej viteve të përcaktuara. Është e domosdoshme të hyni sa më shpejt në botën e punës. Sot më shumë se kurrë është themelor formimi kulturor. Bagazhi i eksperiencave të një personi vlen shumë dhe gjuhët e ndryshme shtojnë mundësitë akoma më tepër. Është shumë e rëndësishme të bëhen eksperienca pune, të çfarëdo lloji, për të mësuar të ecni me këmbët tuaja. Për të sfiduar konkurrencën e ashpër duhen mbaruar studimet në kohë dhe duhet gjetur kuraja të bëni hapat e parë në botën e punës. Konkurrenca nuk duhet t’ju frikësojë, ajo duhet t’ju ndihmojë.