Vera është koha e përkryer për t'u çlodhur dhe njëkohësisht për të reflektuar mbi karrierën tuaj! Përfitoni nga ditët e gjata dhe të qeta për të bërë një bilanc të përfitimeve gjatë këtij viti në karrierën tuaj.

1. Bëjini vetes pyetje thelbësore
2. Përgjigjuni vetes me sinqeritet
3. Jepini vetes pak më shumë kohë

Një mënyrë e thjeshtë për të filluar, është duke bërë lista pro dhe kundër. Kjo ju ndihmon të zgjidhni idetë tuaja dhe të krijoni një përfaqësim vizual pozitiv-negativ. Mos u ndalni dhe shkruani absolutisht çdo gjë që ju vjen në mendje. Objektivi është që të zbuloni gjërat që nuk i dini dhe të zhyteni më thellë në atë fazë eksplorimi. Drejtojini vetes pyetjet që kanë qenë duke lundruar në kokën tuaj. Përgjigjja ndaj këtyre pyetjeve do t'ju ndihmojë të fitoni qartësi dhe një perspektivë të re mbi gjërat. Këtu janë disa pyetje për të filluar:

• A jeni i lumtur në rolin tuaj të tanishëm? Me kompaninë tuaj?
• Çfarë ju pëlqen dhe nuk ju pëlqen në punën tuaj aktuale?
• Cilat janë gjërat më të mira dhe më të këqija në kompaninë tuaj aktuale?
• Vlerësoni shefin tuaj dhe shkruani disa nga cilësitë e tyre më të mira dhe më të këqija.
• Cilat janë përgjegjësitë tuaja në punë? Vlerësoni secilën prej tyre me një shkallë: E lehtë, Sfiduese deri diku, E vështirë.
• Je i kënaqur me pagën dhe / ose përfitimet e tanishme? Çfarë do të ndryshonit?

Çfarë tjetër do të dëshironit të bënit në punë? (Kjo është një pyetje tipike për shkrimin e ideve. Shkruani gjithçka që vjen në mend, pavarësisht se sa e parëndësishme mendoni se mund të jetë.)

• Cila është puna juaj e ëndërruar?
• Cilat janë frikërat dhe dëshirat tuaja?

Koha për të analizuar punën dhe përgjegjësitë tuaja do t'ju ndihmojë të përcaktoni se çfarë doni të bëni më tej. Mund të ju ndihmojë të identifikoni dhe përcaktoni arsyet specifike për të cilat ndjeheni të irrituar ose mund të zbuloni edhe më shumë gjëra që ju pëlqejnë për punën tuaj. Mund të jetë gjithashtu shtysa që ju duhet për të ndërmarrë hapin tjetër përpara në karrierën tuaj, ose për të bërë përfundimisht kapërcimin që keni menduar. Ju i detyroheni vetes që të keni karrierën e ëndrrave tuaja, dhe ju keni fuqinë ta bëni atë. Bëni këtë vetëvlerësim veror dhe merrni përsipër karrierën tuaj.   Burimi: forbes.com/sites/ashiraprossack1/2018/06/30/why-summer-is-the-perfect-time-for-a-career-audit/#283bb81d451f “Miku juaj për punë dhe karrierë” – duapune.com