Edhe pse mund ta keni si ngushëllim për faktin se janë duke ndodhur shpesh shkurtime në korporata, duke qenë të papunë për një muaj apo për një vit ju mund të filloni ta ndieni veten si mallrat e dëmtuara. Duke marrë parasysh dhe të gjitha intervistat që keni bërë egziston pyetja se pse jeni ende të papunë. Por qetësohuni. Më poshtë do të japim disa këshilla të cilat do minimizojnë dyshimet e punëdhënësit të ardhshëm dhe do maksimizojnë shanset tuaja për tu ri-punësuar. Vazhdoni të mbani aftësitë tuaja të azhorunuara Nëse keni qenë për një periudhë të gjatë papunë duhet të punoni më shumë se dikush që është i punësuar, pra duhet të gjeni mënyra për të përmirësuar vlerën tuaj të punësimit. Mbajeni veten të axhornuar me tendencat e fundit dhe zhvillimet në industrinë tuaj duke lexuar revista tregtie, duke bërë një kurs në lidhje me karrierën tuaj dhe duke marrë pjesë në konferenca. Kontaktoni me persona të ndryshëm Duhet të dini se jo të gjitha punët reklamohen. Thoini miqve apo ish-kolegëve tuaj se jeni duke kërkuar punë dhe pyetini nëse njohin ndonjë kompani që punëson njerëz me aftësitë që ju keni. Fjala e gojës është mjeti më i madh promovues kështu përdoreni atë në maksimum. Rrjetet online kanë gjithashtu përfitimet e tyre , veçanërisht nëse ju shkruani për industrinë që interesoheni. Ato do ti tregojnë punëdhënësit potencial ekspertizën tuaj dhe do ju ven në kontakt me njerëz të ndyshëm. Konsultohuni Fatkeqësisht angazhimet tuaja nuk ndalen, ndërsa paga juaj po. Bëini të ditur ish klientëve tuaj dhe kontakteve të tjera që keni se jeni të disponueshëm për projekte konsulence. Madje dhe punët vullnetare do ju ndihmojnë  të plotësoni hendekun në CV-në tuaj. Kjo jo vetëm mban aftësitë tuaja të përditësuara por gjithashtu demostron vendosmërinë tuaj për të gjetur punë dhe mban të hapur mundësi të reja për karrierë. Qëndroni gjithmonë pozitiv, refuzimet janë pjesë e jetës. Çdo “jo” që ju merrni ju lëviz më afër “po-ve” të rënësishme.