"Çfarë doni që unë t'i jap prioritet?"

Ishte një pyetje që nuk e prisja nga një nga punonjësit e mi dhe që më bëri të ndaloj për një moment dhe të mendoj.

Disa vjet më parë, i ngarkova disa detyra njera pas tjetrës një shkrimtareje në ekipin tim. Kur u përball me disa “deadline” njera pas tjetrës, ajo thjesht më pyeti se cilës ajo t'i jepte përparësi.

Ishte mënyra e saj për të thënë jo, pa thënë në të vërtetë jo.

Si udhëheqës dhe sipërmarrës, një nga gjërat më të rëndësishme që mund të bëni për veten tuaj është të mësoni të thoni jo. Por jo-ja nuk duhet të vij menjëherë. Ka mënyra më të sjellshme për ta refuzuar dikë ose për ta bërë të kuptojë se kërkesa e tyre është e tepërt.

Në rastin e shkrimtares, përgjigjja e saj nuk ishte e plotë "Jo" – por ishte  "Jo të gjitha në të njëjtën kohë".

Të pyesësh drejtuesit, kolegët tuaj ose dhe veten se cilës nga detyrat duhet ti japësh prioritet do ta bëj më të thjeshtë punën . Kur mendoni për përparësitë, detyrat më pak të rëndësishme shtyhen për momentin ose kalojnë në detyrat që mund të behen në një moment të dytë.

Një nga shprehjet më të njohura të Steve Jobs: "Njerëzit mendojnë se përqendrimi do të thotë t'i thuash po asaj gjëje për të cilën duhet të përqendrohesh. Por nuk është aspak kështu. Do të thotë t’i thuash jo njëqind ideve të tjera të mira që mund të kesh. Ju duhet të zgjidhni me kujdes."

Për të patur sukses në të ardhmen, udhëheqësit, sipërmarrësit, profesionistët e pavarur, punonjësit e nivelit fillestar - duhet të mësojnë të thonë jo. Ne mund të themi jo, pa thënë në të vërtetë jo.

Për më shumë këshilla na ndiqni në rubrikën tonë Psikologjia e punës.