
Thuhet që Steve Jobs ecte zbathur, bënte dush vetëm njëherë në javë dhe shumë rrallë lante rrobat e tij. Ai ndiqte një regjim ushqimi të tillë që e bënte të mbante erë, qante në publik kur nuk merrte atë që dëshironte, tallte shokët dhe punonjësit me përçmim. Mirëpo siç e dimë ai u bë një milioner dhe emër i njohur dhe i nderuar. Sidoqoftë sjelljet në rininë e tij do bënin që ai të pushohej gjithmonë nga puna ose mos të punësohej asnjëherë. Nga një studim i bërë me 5000 punonjës është arritur në rezultatin që punonjësit është mirë t‘i lënë zakonet e tyre personale të këqija jashtë punës. Studimi nxorri në pah këto sjellje të bezdishme në punë të renditura nga ato më shumë të bezdishmë te ato më pak të bezdisshme.
- Era e ushqimeve të caktuara – Erëzat, hudhrat dhe gatimet e peshkut mbeten në ajrin e ambientit dhe mund të kalojnë dhe tek rrobat.
- Higjiena personale – Mos larja e duarve, prerja e thonjve gjatë kohës që je në punë dhe shfryrja e hundëve janë thjesht të papranueshme.
- Lënia e tavolinës së punës rrëmujë - Letra të paorganizuara, filxhane kafeje dhe pjata ushqimi të papastra. Nuk mund të pretendoni që ato do të pastrohen vetë kështu që merrni përsipër përgjegjësitë tuaja.
- Marrja e gjërave të të tjerëve pa leje - Ju mungon një stilolaps, kapësja e letrave apo materiale të tjera? Përpara se tua merrni kolegëve tuaj, i pyesni ato përpara dhe mos i merrni pa leje.
- Sjellja e fëmijëve të vegjël në zyrë - Askush nuk i dëshiron shpërqëndrimet në punë sidomos nëse bëhet fjalë për bebe që qajnë.
- Thashethemet - Një thashethemexhi konsiderohet një person i vështirë dhe që nuk preferohet nga askush prandaj mos u bëj i tillë.
- Emailet e panevojshme – Mendohuni dy herë kur dërgoni email për të gjithë zyrën. Kur ta bëni një gjë të tillë mundohuni që informacioni që jepni të jetë i dobishëm.
- Mos marrja e përgjegjësive përsipër – Mundohuni të realizoni të gjitha detyrat dhe përgjegjësitë që u janë ngarkuar. Askush nuk i ka qejf dembelët.
- Sharjet dhe mallkimet – Jemi dakort për faktin që ndonjëherë na humbet durimi dhe mund të lëshojmë ndonjë pasthirrmë për të shprehur pakënaqësinë, por përdorimi i vazhdueshëm i sharjeve dhe mallkimeve për çdo situatë, ndikon negativisht në gjendjen psikologjike të punonjësve të tjerë në po të njëjtën zyrë.
- E folura me zë të lartë në telefon – Përpiquni të kryeni telefonatat tuaja pa penguar të tjerët në punën e tyre.