E keni menduar që edhe Sipërmarrja mund të jetë një drejtim i duhur në karrierën tuaj? Prandaj edhe Rrugëtimi drejt Sipërmarrjes dhe Inovacionit në qytet e tjera të Shqipërisë vazhdon. Pas përfundimit me sukses të takimeve në Durrës, Vlorë dhe Korçë në dhjetor 2014, takimi i parë për këtë vit të ri u realizua më 10 janar 2015 në qytetin e Elbasanit. Temat që u trajtuan ishin konceptet bazë për sipërmarrjen, vendimmarrjet strategjike si dhe informacione për biznesin social si një sipërmarrje, ku secili nga ne mund ta gjejë veten ose të ideojë se si mund të gjejë një mënyrë vetëpunësimi. Më 16 janar dhe 17 janar 2015 takimet vazhduan me të tjerë të interesuar në qytetet Fier e Berat. Të pranishmit ndanë eksperiancat, opinionet dhe idetë duke arritur të marrin edhe përgjigje për pyetjet e tyre gjatë takimeve. Një pjesë e pjesëmarrësve ndanë përvojat e tyre dhe u ndalën duke treguar raste konkrete të nismave apo aktiviteteve të ndryshme që kanë ndërmarrë në kohë dhe stadet të ndryshme të jetës së tyre. Gjithashtu të tjerë pjesëmarrës u inkurajuan se si mund të shikojnë mundësi për fillime të vogla sipërmarrjeje. Rrugëtimi jonë drejt Sipërmarrjes dhe Inovacionit në Shqipëri vazhdon ende për të inkurajuar të tjerë të rinj e të reja apo të tjerë të interesuar në qytet të tjera. Nëse keni dëshirë të merrni pjesë në takimet e radhës dhe të bëheni pjesë e një aktiviteti ku do të mësoni se si të merrni në dorë karrierën tuaj na ndiqni në www.sipermarres.org