Përshkrimi

GROWIN GROUP kërkon: DREJTUES/E MARKETINGU / HEAD OF MARKETING

Kërkojmë një profesionist/e , me eksperiencë të konsoliduar në marketing, i/e aftë jo vetëm të drejtojë një ekip, por të ndërtojë vizionin, strategjinë dhe zhvillimin e mëtejshëm të marketingut në Growin.

KRITER I DETYRUESHËM MINIMUMI 5 VITE EKSPERIENCË

Ju lutemi, *nëse nuk keni të paktën 5 vite eksperiencë relevante në marketing, mos aplikoni.*

CV-të që nuk përmbushin këtë kriter nuk do të merren në konsideratë. Ju ftojmë të vlerësoni kriteret përpara dërgimit të aplikimit, për të respektuar kohën tuaj dhe procesin tonë të rekrutimit.

Detyrat

PËRGJEGJËSITË KRYESORE

• Drejtimi, organizimi dhe zhvillimi i ekipit të marketingut.
• Hartimi dhe implementimi i strategjive të marketingut për Growin dhe klientët e kompanisë.
• Krijimi i planeve mujore, tremujore dhe vjetore të marketingut.
• Përcaktimi i objektivave, KPI-ve dhe monitorimi i performancës së ekipit dhe projekteve.
• Njohuri të avancuara dhe aftësi drejtuese në Social Media, Content Creation, Branding, Digital Marketing dhe Advertising.
• Njohuri mbi Meta Ads, Google Ads, TikTok Ads dhe platformat e tjera të reklamimit online.
• Kuptim i avancuar i website-ve, UX/UI, SEO, landing pages, e-commerce dhe conversion optimization.
• Kuptim i mënyrës se si *programimi, automatizimi, CRM, AI dhe teknologjia* mund të integrohen me marketingun.
• Aftësi për të konceptuar fushata kreative dhe strategji që lidhin brandin, content-in, reklamimin, website-in, teknologjinë dhe shitjet.
• Analizimi i audiencës, konkurrencës, tregut dhe sjelljes së konsumatorit.
• Koordinimi i Social Media Managers, Content Creators, Graphic Designers, Performance Marketers, Developers dhe specialistëve të tjerë.
• Kontrolli i cilësisë dhe koherencës së komunikimit të brandit në të gjitha kanalet.

INOVACION & ZHVILLIM I SHËRBIMEVE TË REJA

Drejtuesi i Marketingut duhet të jetë vazhdimisht i informuar mbi *risitë, teknologjitë, platformat dhe trendet e reja të marketingut në tregun shqiptar dhe ndërkombëtar*.

Duhet të jetë i/e aftë të:

• Identifikojë se *çfarë po kërkon dhe çfarë do të kërkojë tregu* në marketing.
• Propozojë shërbime të reja që Growin duhet të zhvillojë dhe ofrojë.
• Sugjerojë dhe konceptojë *platforma, produkte digjitale, sisteme dhe zgjidhje të reja* për klientët.
• Identifikojë mundësi të reja në Social Media, Advertising, AI, Automation, CRM, Website, E-commerce, Software Development dhe Digital Experience.
• Studiojë zhvillimet e agjencive dhe kompanive lider ndërkombëtare dhe të identifikojë modele që mund të përshtaten apo zhvillohen më tej për tregun shqiptar.
• Bashkëpunojë me ekipet e *marketingut, design-it, development-it dhe AI* për të kthyer idetë në produkte dhe shërbime konkrete.
• Identifikojë boshllëqe në treg dhe të propozojë mënyra se si Growin mund t'i kthejë ato në mundësi biznesi.
• Ndërtojë procese dhe standarde të reja që e mbajnë kompaninë përpara zhvillimeve të tregut.

Kualifikimet

• Minimumi *5 vite eksperiencë profesionale në marketing kriter i detyrueshëm*.
• Eksperiencë në drejtimin e ekipeve dhe projekteve.
• Njohuri të gjera në marketing tradicional dhe digjital.
• Mendësi strategjike, kreative dhe analitike.
• Aftësi për të kthyer një ide në strategji dhe strategjinë në plan konkret ekzekutimi.
• Kuriozitet dhe interes i vazhdueshëm për teknologjinë dhe zhvillimet e reja.
• Aftësi për të propozuar iniciativa pa pritur udhëzime.
• Aftësi të forta drejtuese, organizative dhe vendimmarrëse.
• Orientim drejt inovacionit, rezultateve dhe rritjes së kompanisë.

Shënime

ÇFARË KËRKOJMË

Ne nuk kërkojmë thjesht një person që di të menaxhojë Instagram apo të krijojë një plan postimesh.
Kërkojmë një profesionist që *e kupton marketingun si një ekosistem të plotë*:

Strategy → Branding → Social Media → Content → Advertising → Website → SEO → UX/UI → E-commerce → CRM → Automation → AI → Development → Data → Performance → Sales.*

Për këtë arsye, Drejtuesi i Marketingut duhet të jetë personi që vazhdimisht pyet:

• Çfarë vjen më pas?
• Çfarë po ndryshon në marketing?
• Çfarë kërkojnë bizneset sot?
• Çfarë do të kërkojnë nesër?
• Dhe çfarë duhet të ndërtojë Growin përpara se kjo të bëhet standard në treg?**

Për të aplikuar:

Dërgoni CV-në tuaj në [email protected] duke specifikuar pozicionin *“DREJTUES/E MARKETINGU”*.

Për këtë pozicion nuk kemi vendosur një pagë fikse. Kandidati propozon pagën e tij të pritshme, bazuar në eksperiencën, aftësitë dhe vlerën që mendon se mund të sjellë në Growin.